Қамчиқ довони автомобиллар ҳаракати учун қайта очилди
12.03.2022 18:39,
26
Қамчиқ довонида кўчки хавфи эълон қилингани туфайли, 12 март куни соат 9:00дан автомобиллар ҳаракати учун вақтинча ёпилган эди. Фавқулодда вазиятлар вазирлиги хабарига кўра, соат 18:00 га келиб довон автомобиллар ҳаракати учун қайта очилган.
Қайд этилишича, вазирлик тегишли хизматлар билан ҳамкорликдаги амалий ҳаракатларни мувофиқлаштириб борган.
Аввалроқ довонда қолиб кетган йўловчилар учун поезд юборилгани хабар қилинганди.
“Ўзгидромет” хабарига кўра, куннинг иккинчи ярмида Қамчиқ довонида 5 та қор кўчиши ҳодисаси кузатилган.