Тошкентдаги Qanotchi ресторани тажриба тариқасида ишга туширилди

Тошкентдаги Qanotchi ресторани тажриба тариқасида ишга туширилди

Тошкентдаги Qanotchi ресторани мижозларни қабул қилишни бошлагани ҳақида хабар берди. Ресторан маъмурияти "тадбирлар барча санитария-эпидемиология меъёрларига қатъий риоя қилиш ва мувофиқлик асосида ташкил этилиши"ни хабар қилди. 

Таъкидланишича, ресторан бинолари тўлиқ дезинфекция қилинади ва кун давомида мунтазам равишда санитария ҳолатида бўлади. Қоидаларга ходимларга нисбатан риоя қилинади.

"Бизнинг фаолиятимиз барча санитария-эпидемиология стандартларига қатъий риоя қилиш ва унинг доирасида иш ташкил этилган", - дейилади хабарда.

Фото: Qanotchi

Ресторанга кираверишда дезинфекция қилиш учун кабина ўрнатилган, ҳар бир столлар эса ойнаванд тўсиқ билан ажратилган.

Ташриф буюрувчилар олдиндан жой банд қилиб қўйишлари керак.

Газета.уз нашрининг Тошкент шаҳар ҳокимлигидаги манбасининг сўзларига кўра, "Qanotchi" ресторани мисолидан фойдаланиб, ташриф буюрувчиларни қабул қилиш учун рухсат олиш учун муассаса қандай ишлаши кераклигини кўрсатиш режалаштирилган.

Фото: Qanotchi 

Санитария-эпидемиология назорати бош бошқармаси матбуот хизматининг хабар беришича, ресторан ва бошқа умумий овқатланиш муассасаларида ҳали ҳам меҳмонларни қабул қилиш тақиқланган. Улар фақат етказиб бериш ёки олиб кетиш орқали ишлашлари мумкин.

Ҳозирда вилоятлар ҳамда вилоятлар ичида туман ва шаҳарлар учта ранг - қизил, сариқ, яшил ҳудудларга ажратилган ва уларда турли даражадаги карантин қоидалари амал қилади.

Шу билан бирга, ҳар уччала ҳудудда ҳам қатъий тақиқланган фаолият турлари бор. Кўнгилочар масканлар - тунги клублар, дискотекалар, ресторан, кафе, чойхона, спа, караоке, билярд хоналари, чилимхона (калян) ва компютер клублари фаолияти учун рухсат берилмаган.

Qanotchi ресторани билан боғлиқ вазият ижтимоий тармоқларда баҳс-мунозараларга сабаб бўлмоқда.

Журналист Никита Макаренконинг ёзишича, Qanotchi ресторанининг facebook саҳифасидаги хабари остида бир фойдаланувчи "Любая бизнес харашо" (Ҳар қандай бизнес яхши) деб Тошкент шаҳар ҳокими Жаҳонгир Ортиқхўжаевнинг машҳур бўлиб кетган иборасидан кўчирма келтириб изоҳ қолдирган.

Унинг сўзларига эса Рашида Хазратқулова исмли бошқа бир фойдаланувчи рус тилида қуйидагича жавоб қайтарган: "Сиз жуда ҳам ҳақсиз. Агар бизнес билан шуғуллана олсангиз, марҳамат. Агар буни қила олмасангиз, илтимос, уйда қолинг ва тадбиркорларнинг ишлашига ҳалақит қилманг". Макаренко ушбу фойдаланувчи профилидаги маълумотларга қараб, унинг ресторан ходимаси эканлигини айтди. 

Qanotchi ресторанининг facebook саҳифасида ҳозирда дастлабки эълон ўчирилган.