ҚарДУ профессори ўз маошидан муҳтож талабаларга стипендия тайинлади
29.04.2020 18:38,
300
Халқимизга хос хислатлар ҳақида сўз кетганда, мурувват ва меҳр-оқибат, саховатпешалик алоҳида тилга олинади. Бу бардавом эзгу амаллар коронавирус пандемиясига қарши ҳамкорликда кураш ҳамда унинг олдини олишда янада кўпроқ намоён бўляпти.
Олий ва ўрта махсус таълим вазирлигининг хабар беришича, Қарши давлат университети Ботаника ва экология кафедраси мудири, б.ф.д. профессор Лутфулла Ёзиев ўз ойлик иш ҳақи ҳисобидан университетда таҳсил олаётган 15 нафар (чин етим) талабага стипендия таъсис қилди.
Эндиликда университетнинг 15 нафар ижтимоий ҳимояга муҳтож иқтидорли талабалар уч ой мобайнида профессор ҳисобидан 100 000 сўмдан стипендия олишади.