Қарши шаҳридаги “Наво” маҳалласи ҳудудида жойлашган 22 гектар майдонда ипотека кредити асосида 320 та хонадонга мўлжалланган 16 қаватли уй-жойлар қурилиши бошлаб юборилди. Бу ҳақда Қарши шаҳар ҳокимлиги хабар бермоқда.
Қурилиш ишлари Қарши шаҳар қурилиш инвест буюртмаси асосида бош пудратчи “Агромир” МЧЖ (Самарқанд) қурувчилари томонидан олиб борилмоқда.
“Qarshi City” ҳудудида 1 та ўрта мактаб, 2 та мактабгача таълим муассасаси, театр, савдо мажмуалари ва бошқа ижтимоий соҳа объектлари барпо этилиши режалаштирилган.