Кеча 'Nasafnews' нашри орқали Қарши тумани Кўчкак маҳалласида истиқомат қилувчи 1985 йилда туғилган Н. Раҳматовни 14 февраль куни 4 нафар фуқаролар калтаклаб, ҳаёт учун хавфли бўлган тан жароҳатлари етказиб, кўчага ташлаб кетишгани ҳақида хабар қилинган еди. Ҳолат юзасидан Қашқадарё вилояти ИИБ қўшимча маълумот берди.
Қайд этилишича, 2022 йил 14 февраль куни соат 21:25 ларда Қарши тумани Кўчкак маҳалласида яшовчи Р.Н.ни маҳалладошлари Ў. Ш., Ҳ.О., Т.А. ва Ш.Ў.лар телефон орқали чақиришиб, Ў. Ш.нинг бошқарувидаги «Дамас» русумли автомашинасига миндириб, Қарши тумани «Гулистон» маҳалласи ҳудудидаги дала майдонига олиб бориб, уриб тан жароҳати етказишган.
Мазкур ҳолат юзасидан Қарши туман ИИБ Тергов бўлими томонидан 2022 йил 15 февраль куни жиноят иши қўзғатилиб, дастлабки тергов ҳаракатлари олиб борилмоқда.