Қарши—Самарқанд—Қарши йўналиши бўйича бир ойга «Афросиёб» поезди қатнови йўлга қўйилади

Қарши—Самарқанд—Қарши йўналиши бўйича бир ойга «Афросиёб» поезди қатнови йўлга қўйилади

"Самарқанд” халқаро аэропортининг вақтинчалик ёпилиши муносабати билан ҳамда йўловчиларга қулайлик яратиш мақсадида 2021 йил 20 октябрдан 20 ноябрга қадар “Қарши — Самарқанд — Қарши” йўналишида 772/771-сонли замонавий “Afrosiyob” поезди қатнови йўлга қўйилади. Бу ҳақда «Ўзтемирйўлйўловчи» АЖ маълум қилди.

Ҳаракат жадвалига кўра, бир ой мобайнида “Қарши — Самарқанд” йўналишида ҳаракатланадиган 772-сонли замонавий “Afrosiyob” поезди ҳар куни соат 12:20 да Қарши темир йўл вокзалидан, шунингдек, “Самарқанд — Қарши” йўналишида ҳаракатланадиган 771-сонли замонавий “Afrosiyob” поезди эса ҳар куни соат 14:30 да Самарқанд темир йўл вокзалидан қатновни амалга оширади.