Қашқадарёда жазони ижро этиш колонияси ходими маҳкумга енгил шароит яратиб бериш эвазига 1600 доллар пора олди
10.03.2022 20:59,
150
Фуқаро А.Р.нинг ариза юзасидан вилоят прокуратураси, ички ишлар бошқармаси ва Департаментнинг вилоят бошқармаси ходимлари ҳамкорлигида тезкор тадбир
ўтказилган. Бу ҳақда Қашқадарё вилоят прокуратураси хабар берди.
10-сонли жазони ижро этиш колонияси тезкор ходими Б.Ҳ. колонияда жазо ўтаётган маҳкум М.Ю.га енгил шарт-шароитлар яратиб бериш, унга уяли телефон аппарати олиб кириб бериш эвазига 8 март куни 1 600 АҚШ долларини пора тариқасида олган вақтида ашёвий далиллар билан ушланган.
Мазкур ҳолат юзасидан Департаментнинг вилоят бошқармаси томонидан ЖКнинг 210-моддаси (пора олиш) билан жиноят иши қўзғатилиб, дастлабки тергов ҳаракатлари вилоят прокуратураси томонидан олиб борилмоқда.