Қашқадарёда вилоят ИИБ, прокуратура, почта, кадастр ҳамда 2 та туман ҳокимликларида коронавирус аниқланган

Қашқадарёда вилоят ИИБ, прокуратура, почта, кадастр ҳамда 2 та туман ҳокимликларида коронавирус аниқланган

Фото: Қашқадарё вилояти ҳокимлиги

Қашқадарё вилояти ҳокимининг маълумот беришича, айни кунга қадар вилоят прокуратураси, ИИБ бошқармаси, вилоят почта, кадастр, Қарши ва Қамаши туман ҳокимликларида коронавирус билан чалиниш ҳолати кузатилган.

Бу ҳақда, бугун 24 июль куни Қашқадарё ҳокими Зоир Мирзаев иштирокидаги брифингда маълумот берилди.

«Ҳеч ким касалликка чалинмайди, деб бўлмайди. Ҳеч ким бундан кафолатланмаган. Аммо маълумот тарқатишда аниқ ва асосланган бўлишига эътибор қаратиш лозим деб ўйлайман. Тан олиб айтиш керак, айни кунга қадар вилоят прокуратураси, ИИБ бошқармаси, вилоят почта, кадастр, Қарши ва Қамаши туман ҳокимликларида коронавирусга чалиниш ҳолатлари кузатилди», — деди Зоир Мирзаев.