Qatar Airways Ўзбекистонга мунтазам авиақатновларини амалга ошириш учун рухсатнома олди

Qatar Airways Ўзбекистонга мунтазам авиақатновларини амалга ошириш учун рухсатнома олди

Qatar Airways авиакомпанияси Ўзбекистонга мунтазам авиақатновларини амалга ошириш учун рухсатнома олди, деб хабар бермоқда «Ўзавиация» агентлиги матбуот хизмати.

Қайд этилишича, Ўзбекистон ва Қатар ўртасидаги ҳаво қатнови тўғрисидаги ҳукуматлараро битим асосида «Ўзавиация» агентлиги томонидан Qatar Airways авиакомпаниясига 7 сентябрда Доҳа—Тошкент—Доҳа йўналишида мунтазам парвозларни амалга ошириш учун рухсатнома берилди.

Авиакомпания парвозларни Airbus 320, Airbus 321, Airbus 350, Boeing 777 ва Boeing 787 ҳаво кемаларида амалга оширади.