Ахборот хавфсизлиги бўйича мутахассиснинг фикрига кўра, биринчи навбатда фойдаланувчи трафикнинг кўп сарфланаётганидан огоҳ бўлиши керак. Бу одатда дастурий таъминотни янгилаш билан боғлиқ. Бироқ, трафикнинг кўп сарфланаётгани баъзи ҳолларда зарарли дастур фаоллиги ҳақида ҳам гувоҳлик беради. Зарарли дастур мавжудлигининг яна бир билвосита белгиси смартфоннинг ҳаддан ташқари қизиши бўлиши мумкин.

Агар шубҳангиз бўлса, дарҳол смартфонингизни мобил интернетдан узишингиз, Wi-Fi тармоғига уланишингиз ва антивирус дастурини ишга туширишингиз керак. Кўпгина замонавий қурилмаларда бу дастур олдиндан ўрнатилган ва уларнинг баъзилари ҳатто тармоққа киришни талаб қилмайди.

Мутахассиснинг таъкидлашича, ортиб бораётган трафик сарфини кузатиш жуда оддий. Бунда ўзингиз “созламалар” менюсига ўтиб, қайси дастур сизнинг тарифингизни “ейишини” кўриб чиқишингиз мумкин.

Тафсилотларни алоқа операторининг шахсий кабинетида ҳам олишингиз мумкин. Самарали усуллардан бири — телефонда мобил трафикдан фойдаланишга чеклов қўйиш, буни гаджет созламаларида ҳам амалга ошириш мумкин.