Термиз шаҳридаги «Мангузар» ЙПХ масканида ЙПХ ходими З.Жумаев томонидан тўхтатилган «Кобальт» автомашинаси ҳайдовчиси Ш.Ў. ва унга тегишли бўлган автоулов маълумотлари планшет мосламаси ёрдамида махсус дастур орқали текширилганида, ушбу фуқаро Жиноят кодексининг 109-моддасида кўрсатилган жиноятни содир қилганликда айбланиб, ҳозирда қидирувдалиги маълум бўлди. Бу ҳақда вилоят ИИБ ахборот хизмати хабар берди.
Ҳолат юзасидан тегишли ҳужжатлар расмийлаштирилиб, қидирувда бўлган фуқаро Термиз шаҳар Ички ишлар бошқармасига топширилди.