Қирғиз халқи Сирдарёга инсонпарварлик ёрдами юборди (фото)
3.06.2020 14:56,
205
Қирғизистон халқи номидан Сирдарёга инсонпарварлик ёрдами етиб келди.
Фото: Сирдарё вилояти ҳокимлиги
Сирдарё вилояти ҳокимлиги матбуот хизматининг хабарига кўра, Қирғизистон элчиси маслаҳатчиси Нурлан Жумалиев делегацияси инсонпарварлик ёрдамини олиб келган.
Мазкур делегацияни Сирдарё вилояти ўринбосари Д.Мадримов, вилоят прокурори Р.Машарипов ҳамда вилоят нуронийлари Гулистон шаҳрида кутиб олишди.
Маълум қилинишича, қирғиз халқи томонидан 3 та юк машинасида 20 тонна макарон, 20 тонна гуруч, 10 тонна ўсимлик ёғи, 10 тонна шакар, 5 тонна сув, 10 тонна картошка олиб келинди.
