Қирғизистондаги Тоқтогул сув омборининг сув сатҳи “ўлик чегара” даражасигача тушиши эҳтимоли бор. Бу ҳақда Қирғизистон энергетика ва саноат вазири ўринбосари Таалайбек Ибраев маълум қилди.
Унинг сўзларига кўра, кўрилаётган чора-тадбирларга қарамасдан ушбу сув омборининг сатҳи камайиши мумкин.
“Бу ҳолат минтақада келгуси йил вегетация даврини муваффақиятли ўтишга имкон бермайди ва, ўз-ўзида маълумки, Тоқтогул сув омборига туташ дарёлар оқиб ўтадиган қўшни мамлакатларга ўзининг салбий таъсирини кўрсатади”, - деди у Бишкекдаги энергетикага оид йиғилишди.
Қирғистонлик амалдор вазиятни ўнглаш учун мамлакат электр энергетика тизимига қўшни давлатлардан ёрдам олиш зарурияти мавжудлигини қайд этди.