Қирғизистон иқтисодиёт ва савдо вазири Дониёр Амангелдиев Қирғизистон Республикаси ва Россия тўлиқ рублда ҳисоб-китобларга ўтганини маълум қилди, деб хабар беради «Интерфакс» .
«Товарлар бўйича ҳисоб-китоблар долларда амалга оширилган ягона гуруҳ ёқилғи-мойлаш материаллари эди. Санкциялар қўлланилиши ва SWIFT тизимининг ёпилиши муносабати билан тўловлар билан боғлиқ муаммолар юзага келди. Рублдаги ҳисоб-китобларга ўтишга қарор қилинди. Шундай қилиб, шуни айтишимиз мумкинки, Россия билан барча ҳисоб-китоблар рублда амалга оширилади», — деди Амангелдиев.
Вазирнинг сўзларига кўра, икки давлат рублга ўтганидан кейин Россия Федерацияси миллий валютасининг курси мустаҳкамлана бошлаган, бу эса ёқилғи-мойлаш материаллари нархини оширган. Бундан ташқари, Россиянинг ўзида дизель ёқилғиси қимматлашмоқда, дея қўшимча қилди Амангелдиев.