8 апрель 10:00 ҳаолатига кўра, Қирғизистонда коронавирус юқтириш бўйича янги 42 та ҳолат қайд этилди. Бу ҳақда Қирғизистон Соғлиқни сақлаш вазири Собиржон Абдукаримов маълумот берди.
Унинг сўзларига кўра, янги ҳолатлар Бишкек (10 киши), Чуй вилояти (2), Норин вилояти (5), Жалолобод вилояти (1) ва Ўш вилоятида (24) қайд этилди. Уларнинг 16 нафари эркак ва 26 нафари аёллардир.
"Мамлакатдаги эпидемиологик вазият ҳамон оғир бўлиб қолмоқда", деди вазир.
Қирғизистонда COVID-19 билан зарарланганлар сони 270 кишини ташкил этмоқда.