Қирғизистонда коронавирусга чалинганлар сони бир кунда деярли уч баравар ошиб кетди

Қирғизистонда коронавирусга чалинганлар сони бир кунда деярли уч баравар ошиб кетди

2020 йил 24 март куни Қирғизистонда коронавирусга инфекциясини юқтириб олиш бўйича 26 та янги ҳолат қайд этилди. Мамлакатда коронавирусга чалинганлар умумий сони 42 нафарни ташкил этмоқда. Бу ҳақда Соғлиқни сақлаш вазири ўринбосари Толо Исаков маълум қилди.

Аниқланган янги ҳолатлардан 14 таси Саудия Арабистонидан қайтганлар ва улар билан мулоқот қилганлар билан боғлиқ. 

Яна 4 киши коронавирус гумони билан касалхонага ётқизилган. Шунингдек, 96 кишининг таҳлили мавҳум чиққани учун ушлаб турилибди. Жами 142 киши (8 эркак, 74 аёл) касалхонага ётқизилган.

Улар орасида 1 га кирмаган 2 гўдак, 6 ва 14 ёшли болалар ҳам мавжуд. Қолганларининг ёши 16 дан 86 гача.