"Қирғизистон" тижорат банки Россиянинг "Мир" тўлов тизимининг карталарига хизмат кўрсатишни тўхтатди. Бу ҳақда кредит ташкилотининг расмий веб-сайтида хабар берилган.

20 октябрдан бошлаб Қирғизистон банки ғарбий санкцияларга дучор бўлган Россиядан 20 дан ортиқ кредит ташкилотларининг карталарини қабул қилишни тўхтатди. Улар орасида: Альфа-Банк, Газпромбанк, Промсвязьбанк, Откритие банки ва бошқалар. "Қирғизистон" Мир карталаридан фойдаланишга навбатдаги чекловларни жорий этган биринчи қирғиз банки эмас эди.

Аввалроқ Қирғизистоннинг яна иккита банки — "Бакай банк" ва "Доскредобанк" Россиянинг "Мир" тўлов тизимининг карталари билан ишлашни тўхтатган эди. Бунгача Қирғизистоннинг йирик "Companion" банки худди шу қарорни эълон қилган эди.

Туркия, Ветнам ва Арманистоннинг йирик банклари Россия тўлов тизимининг карталарини қабул қилишдан бош тортдилар ва Қозоғистон ва Тожикистонда кредит ташкилотларига "Мир" карталаридан фойдаланиш тўғрисида мустақил равишда қарор қабул қилишга рухсат берилди.