Қорақалпоғистонда минглаб йўрға тувалоқлар ёввойи табиатга қўйиб юборилди

Қорақалпоғистонда минглаб йўрға тувалоқлар ёввойи табиатга қўйиб юборилди

28 май - 1 июнь кунлари Қорақалпоғистоннинг Қўнғирот туманида Қизил китобга киритилган йўрға тувалоқлар ёввойи табиатга қўйиб юборилди. Тадбир Экология ва атроф-муҳитни муҳофаза қилиш давлат қўмитаси ҳамда “Falcon Hunting Solutions” компанияси томонидан ташкиллаштирилди, дея хабар қилади қўмита матбуот хизмати.

Жами 2040 бош қуш БААга қарашли “International fund for houbara conservation" марказида кўпайтирилган.

Эслатиб ўтамиз, йўрға тувалоқлар 2009 йилда Ўзбекистон Қизил китобига ноёб тур сифатида киритилган. Улар Қизилқум чўлларида яшайди. Уларнинг сони ва яшаш майдони 1960-йиллардан бошлаб қисқаришни бошлаган.