Қозоғистоннинг Жамбил вилоятида бензин ҳамда юк ортилган поезд платформаси релсдан чиқиб кетди ва натижада ёнғин келиб чиқди.
Қозоғистон Фавқулодда вазиятлар қўмитасининг расмий вакили Нурсултон Нураҳмедовнинг сўзларига кўра, Шокпар станциясига кириб келаётган иккита вагон ёнбошга қулаб тушган.
Ҳодиса натижасида нефт маҳсулотлари ерга тўкилган ва қуёш нури таъсирида қизигач, умумий майдони 600 кв. м. бўлган ёнғин келиб чиққан.
Ҳозирда аланга ўчирилган.
Вагон қулаши сабабли 10 та йўловчи поездининг ҳаракатида кечикиши юз берди.
Қурбонлар ва жабрланганлар йўқ, дея таъкидлади Нураҳметов.