Ўзбекистон ва Қозоғистон Ҳукумати, вазирлик ва идоралари, йирик компаниялари даражасида кўп қиррали ҳамкорликни янада чуқурлаштиришга қаратилган умумий 15 та ҳужжат қабул қилинди.

Жумладан:

— Тошкент ҳамда Туркистон вилоятлари ўртасида ҳамкорликни кенгайтириш бўйича 2023-2024 йилларга мўлжалланган «Йўл харитаси»;

— Жиззах ҳамда Туркистон вилоятлари ўртасида ҳамкорликни кенгайтириш бўйича 2023-2024 йилларга мўлжалланган «Йўл харитаси»;

— Навоий ҳамда Қизилўрда вилоятлари ўртасида ҳамкорликни кенгайтириш бўйича 2023-2024 йилларга мўлжалланган «Йўл харитаси»;

— Ўзбекистон ва Қозоғистон Ҳукумати ўртасида фуқароларнинг ўзаро келиб-кетиш шартлари тўғрисидаги битимга ўзгартириш киритиш ҳақидаги баённома;

— Ўзбекистон Президенти ҳузуридаги давлат хизматларини ривожлантириш агентлиги ва Қозоғистон давлат хизмати ишлари агентлиги ўртасида англашув меморандуми;

— Ўзбекистон ва Қозоғистон Ҳукумати ўртасида Экология ва атроф муҳитни муҳофаза қилиш соҳасида ҳамкорлик тўғрисидаги битим ҳамда Ўрмон хўжалиги соҳасида англашув меморандуми;

— Ўзбекистон Президенти ҳузуридаги стратегик ислоҳотлар агентлиги ҳамда Қозоғистон стратегик режалаштириш ва ислоҳотлар агентлиги ўртасида ҳамкорлик бўйича меморандум;

— Ўзбекистон ва Қозоғистон Ҳукумати ўртасида Олий таълим ва олий таълимдан кейинги таълим соҳасида ҳамкорлик тўғрисидаги битим.

Таъкидлаш жозизки, Қозоғистон Президентининг Ўзбекистонга ташрифи доирасида жами 8 миллиард долларлик савдо ва инвестиция шартномалари имзоланди.