Қозоғистон қўшнилардан сув олмоқчи. Ўзбекистондан ҳам

Қозоғистон қўшнилардан сув олмоқчи. Ўзбекистондан ҳам

Қозоғистон ҳукумати мамлакатда суғориш учун сув танқислиги муаммосини ҳал қилиш учун ҳукуматлараро келишув ва дастурларни ишлаб чиқмоқда. Бу ҳақда Қозоғистон экология, геология ва табиий ресурслар вазирининг ўринбосари Серик Кожаниязов маълум қилди.

Сирдарёда сув танқислиги сабабли Қизилўрда вилояти фермерлари шоли экинларини беш минг гектарга қисқартиришга мажбур бўлдилар.

Дарё минтақанинг асосий сув артерияси ҳисобланади, аммо ҳозирги вақтда унда сув кам. Шоли далаларини суғориш учун ресурслар етарли эмас.

Кожаниязовнинг сўзларига кўра, Қозоғистон гуручни суғориш учун сув эвазига Тожикистонга ускуналар ва ёқилғи-мойлаш материаллари етказиб беради. Тожикистон билан музокаралар олиб борилмоқда.

Қирғизистон эса 370 миллион кубометр сув эвазига 370 миллион киловатт-соат, Ўзбекистон эса 250 миллион киловатт-соат электр энергияси олади.