Қозоғистонда фавқулодда ҳолат жорий этилди. Тегишли фармойишга мамлакат президенти Қосим-Жомарт Тоқаев имзо чекди.
16 март кунидан бошлаб коронавирус тарқалиши хавфи сабаб:
карантин жорий этилади;
- йирик савдо марказлари, кинотеатрлар, кўргазма ва бошқа жамоат жойлари ишлари чекланади
- оммавий тадбирлар, жумладан, спорт, оила ва хотира тадбирлари тақиқланади;
- жамоатчилик тартибини қўриқлаш кучайтирилади
- мамлакатга кириш ва ундан чиқиш чекланади.
Эслатиб ўтамиз, Қозоғистонда янги коронавируснинг тасдиқланган ҳолати 8 тага етган.