Қозоғистоннинг “Евросиё” суғурта компанияси мамлакат фуқароларини коронавирусни даволаш харажатларини қоплайдиган махсус суғурта дастурини таклиф қилмоқда. Бу ҳақда Forbes нашрининг қозоқ хизмати хабар бермоқда.  

Полис нархи таҳминан 3900 тенге (97500 сўм) туради ва у коронавирус ташхиси қўйилган беморларни даволаш учун 500 минг тенге (12,5 миллион сўм) миқдоридаги харажатларни қоплайди. 

“Саёҳат ёки хизмат сафарини бекор қилиш имкони бўлмаганлар учун биз янги суғурта хизматини ишлаб чиқдик. Суғурта нафақат Хитой билан чегарадош мамлакатларнинг балки, Ухан [Хитойдаги коронавируснинг эпицентри – sof.uz] дан ўн минглаб километр узоқликдаги ҳудудларда яшовчи фуқароларни ҳам қамраб олади”, — дейди компания бошқарув раиси ўринбосари Нуржан Жонтураев.