Қозоғистондан Ўзбекистонга янги йўналишда авиарейс йўлга қўйилди

Қозоғистондан Ўзбекистонга янги йўналишда авиарейс йўлга қўйилди

"Оқтау — Урганч — Оқтау" йўналиши бўйича Қозоғистоннинг "SCAТ" авиакомпаниясига тегишли Boeing 737-300 русумидаги ҳаво кемаси бугун маҳаллий вақт билан соат 7.00да Урганч халқаро аэропортига келиб қўнди. Бу ҳақда "Uzbekistan airports" АЖ ахборот хизмати хабар берди.

Оқтау шаҳридан 7 нафар йўловчини воҳага келтирган самолёт Аэропорт раҳбарияти, Хоразм вилояти ҳокимлиги, вилоят Транспорт бошқармаси, вилоят Маданият бошқармаси томонидан ёмғирли фаввора ёрдамида тантанали кутиб олинди.

Мутахассислар фикрича, мазкур авиақатнов эндиликда ҳафтанинг душанба ва чоршанба кунлари амалга оширилади.

Маълумот ўрнида: самолёт соат 8.00да 145 нафар йўловчини олиб, яна ўз манзили томон парвоз қилди