Қозоғистонлик уламо Маъмуржон домла озодликка чиқди

Қозоғистонлик уламо Маъмуржон домла озодликка чиқди

Имом-ноиб сифатида қилган маърузалар ва дарслари билан ўзбекзабон интернетда машҳур бўлган Қозоғистоннинг Сайрам туманидан Маъмуржон Хайтметов озодликка чиқди.

ББС Ўзбек хизматининг маълум қилишича, 12 август куни Жиноят ишлари бўйича Сайрам тумани суди Маъмуржон Хайтметовга икки йил шартли қамоқ жазоси белгилади. Онлайн равишда бўлган маҳкама жараёни якунлангач, уламо озод бўлиб яқинлари билан уйига кетган.

Қозоғистонлик Маъмуржон домла «диний адоват қўзғаш айби» билан ҳибсга олинди (видео)

Маъмуржон Хайтметов ўзига қўйилган айбловларни қисман тан олган.

Хайтметов 17 июнь куни Қозоғистон Миллий хавфсизлик қўмитаси (МХҚ) томонидан ҳибсга олинганди.

Уламога бундан 6 йил олдин насронийлар дини ҳақида қилган маърузаси бўйича, «диний адоват қўзғаш» айби қўйилган эди.