Франциянинг Renault автосаноати ва унинг япониялик шериги Nissan 6 февраль куни иттифоқни қайта ташкил этиш тўғрисидаги битимни расман эълон қилишни режалаштирмоқда. Бу ҳақда Reuters хабар берди.

Расмий эълон Лондонда бўлиб ўтади. Renault япон автомобиль ишлаб чиқарувчисидан ўзининг янги электромобиль лойиҳасига сармоя киритишини истайди, деди манба. Шу билан бирга, Nissan унинг асосий акциядори бўлган француз компанияси ўйин майдонини тенглаштириш учун ўзининг 43 фоиз улушини сотишини талаб қилмоқда.

Шунингдек, ишлаб чиқарувчилар ишлаб чиқариш, технология ва географик кенгайиш бўйича, хусусан, Ҳиндистонда бешта қўшма лойиҳани эълон қилишлари мумкин.

Эслатиб ўтамиз, шу пайтгача Renault Nissan акцияларининг 43 фоизига эгалик қилган, Ниссан эса Renault акцияларининг атиги 15 фоизига эгалик қилган ва унинг овоз бериш ҳуқуқи Франция қонунлари билан чекланган эди.

Январь ойи ўрталарида француз автомобиль ишлаб чиқарувчиси шу ойда Япониянинг Nissan концернидаги улушини 43 фоиздан 15 фоизга камайтиришни режалаштираётгани маълум бўлган эди.