Иқтисодиётлари ривожланган давлатлар 2022 йилнинг июнь-июль ойларида Украина ғалласининг асосий харидорига айланди, бу эса барча етказиб беришнинг 81 фоизини ташкил этди. Буни РИА Новости БМТ Comtrade платформаси маълумотларига асосланган ҳисоб-китоблари тасдиқлайди.

Бу даврда етказиб бериш ҳажми 43 фоизга камайди. Шу тариқа, бозорларга ўтган йилги 1,3 миллиард долларга нисбатан 771 миллион долларлик маҳсулот экспорт қилинди.

Ўтган ёзнинг дастлабки икки ойида жами етказиб беришнинг қисқарганига қарамай, Ғарб давлатлари харидларни ошириб, Украинадан бир йил олдинги 380 миллион долларга нисбатан 625 миллион долларга дон сотиб олди. Шу билан бирга, дунёнинг қолган мамлакатлари харидларни қарийб етти баравар камайтирди - 967 миллион долларга нисбатан 146 миллион долларгача.

Агар 2021 йилда Ғарб мамлакатлари Украинанинг ғалла таъминотининг атиги 28 фоизини ташкил қилган бўлса, 2022 йилда уларнинг улуши 81 фоизга кўтарилди.

Руминия Украина донининг асосий харидорига айланди. Ўтган йилнинг июнь-июль ойларида харидларни 213,4 минг доллардан 1,5 минг баробарга ошириб, жорий йилнинг шу даврида 314 миллион долларга етди. Дон харид қилиш бўйича иккинчи ўринни Польша эгаллади, у июнь-июль ойлари охирига келиб уларни 29 баробарга, яъни 122,6 долларгача оширди. Туркия биринчи учликни ёпиб, импортни 33 фоизга ошириб, 90 миллион долларга етказди.

Тўртинчи ўринда бир йил олдинги 137 минг долларга нисбатан 69 миллион долларга дон сотиб олган Венгрия. Миср 25,6 миллион доллар билан бешинчи ўринни эгаллади, бу ўтган йилги кўрсаткичлардан деярли беш баравар кам.

Словакия, Ливан, Голландия, Германия ва Испания ҳам ўтган ёзда Украинадан дон харид қилиш бўйича етакчи ўнталикка кирди.

Хитой, Нидерландия, Миср, Индонезия, Эрон, Туркия, Ливия, Исроил, Бельгия ва Испания ўтган йили Украина ғалласини энг кўп қабул қилувчи ўнталикка кирди.