Россия 1000 та танк ва 350 та қуролни йўқотди, аммо технологияда устунликка эга – Пентагон
27.05.2022 10:09,
7
АҚШ Мудофаа вазирлигининг юқори мартабали мулозимининг пайшанба куни журналистларга айтишича, америкаликлар Россия Украинада 1000 га яқин танк, 350 га яқин артиллерия тизими, 30 дан ортиқ самолёт ва 50 дан ортиқ вертолётни йўқотганини тахмин қилмоқда.
Пентагон вакилининг сўзларига кўра, ҳозирда Украинада Россиянинг 110 та батальон-тактик гуруҳлари фаолият юритмоқда ва руслар Славянск ва Краматорск йўналишида олдинга силжиш имконига эга бўлди.
Украина томони хусусан, Украина Қуролли Кучлари Бош штаби Россия уруш бошланганидан бери 1315 та танк, 800 дан ортиқ қурол ва кўплаб ракета тизимлари, 206 та самолёт ва 170 та вертолётни йўқотганини даъво қилмоқда.