Россия ҳукумати Багама оролларини, шунингдек, Гернси ва Мэн оролларини дўстона бўлмаган мамлакатлар ва ҳудудлар рўйхатига киритди. Рўйхат кенгайтирилгани ҳақида Вазирлар Маҳкамасининг Телеграм каналида хабар берилди.

Қайд этилишича, Гернси ва Мэн ороллари Буюк Британия томонидан киритилган санкцияларни қўллаб-қувватлагани учун рўйхатга киритилган. Багама ороллари ўз ҳудудида жорий этилган Россия Молия вазирлиги, бир қатор Россия кредит ташкилотлари ва Россия банки билан ҳар қандай операцияларни тақиқлагани туфайли рўйхатга киритилган.

Россия президенти Владимир Путиннинг фармонига кўра, мамлакат фуқаролари ва компаниялари дўстона бўлмаган мамлакатлардан келган хорижий кредиторларга рублда тўлашлари мумкин бўлади. Жараён ойига ўн миллион рублдан ортиқ тўловларга нисбатан қўлланилади.

Март ойида Россия Вазирлар Маҳкамаси дўстона хатти-ҳаракатлари мамлакатга, унинг компаниялари ва фуқароларига қарши қаратилган давлатлар рўйхатини ўз ичига олган қарорни имзолаган эди.

Тасдиқланган рўйхатни АҚШ, Канада ва Европа Иттифоқи мамлакатлари, шунингдек, Буюк Британия. Бундан ташқари, Украина, Черногория, Швейцария, Албания, Монако, Андорра, Лихтенштейн, Норвегия, Исландия, Сан-Марино, Шимолий Македония, Жанубий Корея, Янги Зеландия, Япония, Австралия, Микронезия, Сингапур ва Тайвань номи тилга олинган. 

Кейинроқ ҳукумат рўйхатни кенгайтириб, Дания, Греция, Хорватия, Словения ва Словакияни ҳам киритди.