Келгуси йилда Россия ялпи ички маҳсулоти 1,3 фоизга ўсиши мумкин. Бироқ жорий йилда мамлакат иқтисодиётидаги пасайиш 7 фоизга етади, деб ёзади "Известия" газетаси БМТ Бош Ассамблеясининг Савдо ва тараққиёт бўйича конференцияси (YUNCTAD) ҳисоботи маълумотларига таяниб.
"2022 йил охирига келиб, БМТ Россия ялпи ички маҳсулотининг 7 фоизга пасайишини кутмоқда ва 2023 йилда таназзул давом этишини тахмин қилмоқда. Аммо 2023 йилдаги кескин пасайишдан кейин Россия иқтисодиёти 1,3 фоизлик ўсиш суръатини кўрсатиши мумкин", — дейилади мақолада.
Ҳозирги вақтда Россия иқтисодиётига халқаро молиявий санкциялар, шу жумладан Россия Марказий банки олтин-валюта захираларининг бир қисмини музлатиш таъсир кўрсатмоқда. Йил охирига келиб, салбий таъсир Ғарб давлатлари Москвага қарши жорий қилган савдо чекловлари билан кучаяди. Буларнинг барчаси Россия ялпи ички маҳсулотининг кескин пасайишига олиб келади.
БМТ молиявий чекловларнинг Россия иқтисодиётига таъсирини аллақачон қайд этган. Савдо чекловларининг таъсири 2022 йил охирида кескинроқ бўлиши мумкин, чунки компаниялар импорт қилинадиган захиралар тугайди.