Россия компаниялари ҳаво транспорти федерал агентлигига Ўзбекистон ва Қозоғистонга ёзги рейсларни амалга ошириш учун рекорд миқдордаги ариза топширди. 

Маълум бўлишича, ҳозирда Қозоғистонга ҳафтасига 48 та, Ўзбекистонга эса 92 та рейс амалга оширилмоқда. Авиаташувчиларга қўшимча рейсларни амалга оширишга рухсат берилгач, бу парвозлар сони 68 та ва 128 та рейсга кўпаяди. 

Ўзбекистон йўналиши бўйича авиақатновни ошириш учун мурожаат қилганлар орасида «Ред Вингс»  бор. Аввалари бу компания Бухоро, Самарқанд ва Угранчга ҳафтасига 2 марта учган бўлса, эндликда рейсларни икки баробар оширишни сўрамоқда. «ЮТэйр» ҳафтасига 7 та рейс қўшиш сўрамоқда, «Аэрофлот» эса парвозлар сонини 7 дан 11 гача кўпайтирмоқчи. «Сибирь»  ҳаво йўллари  ҳозирги 7 та рейсдан икки баравар кўп - 14 та рейсга руҳсат сўраган.