Россия МДҲ давлатларидан ноқонуний мигрантларни олиб чиқиб кетишни талаб қилмоқда. Акс ҳолда...

Россия МДҲ давлатларидан ноқонуний мигрантларни олиб чиқиб кетишни талаб қилмоқда. Акс ҳолда...

МДҲ давлатлари Россияда ноқонуний юрган фуқароларини 15 июнга қадар олиб кетишлари керак. Акс ҳолда Москва чегараларни ёпиб қўйишгача бўлган чораларни кўради. 

Бу фикрларни Россия ички ишлар вазирининг биринчи ўринбосари Aлександр Горовой МДҲга аъзо давлатлар парламентлараро ассамблеясининг ялпи мажлисида айтиб ўтди.

“Ҳамкасблар, сизларга бир илтимос билан мурожаат қилмоқчиман. Ҳозирда бизнинг мамлакат ҳудудида бўлган фуқароларингизнинг сони ноқонунийдир. Aгар Россия президенти фармонида назарда тутганидек, биз ушбу рақамни 15 июнга қадар олиб ташламасак, бу одамлар мамлакатдан чиқариб юборилади ва улар учун чегаралар ёпилиади”, деган у. 

Вазир ўринбосари ушбу муаммони оммавий ахборот воситалари ва “маҳаллий блоггерлар” ёрдамида ҳал қилишни тавсия қилди.

“Миграция режимларини бузганлик учун сизнинг давлатларингиз фуқароларига нисбатан ҳеч қандай ҳуқуқни қўллаш амалиёти қўлланилмайди”, деган Горовой.

Пандемия туфайли баъзи муҳожирлар Россияни тарк етишга муваффақ бўлишди. Аммо улар чегаралар ёпилиши сабабли қайтиб кела олмадилар, баъзилари эса уйларига қайтиш имкониятисиз қолишди.

Россия президенти фармони билан қолган чет елликлар Россияда қолиш ёки яшаш ҳуқуқи, рўйхатдан ўтиш муддати ва уларнинг ҳуқуқий мақомини ҳал қилиш бўйича ва бошқа чоралар 2021 йил 15 июнигача узайтирилган.