Октябрь ойида Россия саноат корхоналарида жиддий кадрлар танқислиги қайд этилди. Бу ҳақда Гайдар номидаги Иқтисодий сиёсат институти тадқиқотига асосланиб, РБК хабар бермоқда.

Сўров натижаларига кўра, ходимларнинг етарлилигини баҳолаш баланси ("етарлидан ортиқ"» ва "етарлидан кам" жавоблари орасидаги фарқ) минус 28 фоиз пунктига тушиб кетди. Бу 1996 йил апрелидан бери энг паст кўрсаткичдир.

ИЭП мутахассисларининг тушунтиришича, ходимларнинг чиқиб кетиши фонида рекорд даражадаги "кадрлар етишмаслиги" қисман сафарбарлик доирасида ҳарбий хизматга чақириш, шунингдек, ундан қочиш билан боғлиқ ҳолатлар киради. 

Мутахассиснинг сўзларига кўра, Россияда тарихан яширин ишсизлик муаммоси мавжуд бўлиб, унга ортиқча ишчи кучи киради, бу ишчи кучининг 10 фоизини ташкил қилади.

Институт шунингдек, саноат оптимизми индексининг кучли пасайишини қайд этди. Уни ҳисоблашда тўртта кўрсаткич қўлланилади, улардан учтаси жорий ойда камайди. Гап савдо кутилмалари, уларнинг ҳажмидан қониқиш ва корхоналарнинг ишлаб чиқариш режалари ҳақида бормоқда. Бу ойда индекс 11,4 дан 0,4 фоиз пунктига камайди.

Аввалроқ, Меҳнат вазирлиги Россия меҳнат бозорида кадрлар етишмаслиги фактини тасдиқлаган эди. Иш берувчилар аҳолини қисман сафарбар қилиш эълон қилиниши фонида кадрларнинг кескин танқислигини сеза бошладилар.