The Guardian: Россия Украина билан урушда Ироқдан олиб келинган контрабанда қуролларидан фойдаланмоқда.
Россия Ироқдан ўқ-дорилар ва ҳарбий техникани Эрон қурол контрабандаси тармоқлари ёрдамида олаяпти. Бу ҳақда The Guardian'га Ироқ гуруҳлари, шунингдек, минтақавий разведкадаги манбалар маълум қилди. Гап танкга қарши ракеталар, бир нечта учириш ракета тизимлари ва ракета гранаталари ҳақида бормоқда.
Нашр суҳбатдошининг сўзларига кўра, Москвага Россиянинг С-300 га ўхшаш Эронда ишлаб чиқарилган Bavar 373 ракета мажмуаси "ҳадя қилинган". Эрон, шунингдек, Россияга С-300 зенит тизимини қайтарди.
Ҳашд аш-Шаби гуруҳига тегишли бўлган ўқ-дорилар ва танкга қарши ракеталар 26 март куни Саламжа чегара пункти орқали Ироқдан Эронга етказилган. Ўтиш жойини назорат қилувчи полиция бўлими қўмондони сўзларига кўра, Эрон ҳарбийлари қуролларни у ерда қабул қилиб, Каспий денгизи орқали Россияга, Астраханга етказган.
"Бизга оғир қуроллар қаерга кетишининг аҳамияти йўқ, чунки уларга ҳозир керак эмас. АҚШга қарши қаратилган ҳар қандай нарса бизни хурсанд қилади", деди "Хашд ал-Шааби" манбаларидан бири.