Россия харбий бюджети рекорд даражада кўпаяди
13.12.2022 11:40,
84
Россиянинг 2023 йилда ҳарбий харажатлари бюджетнинг учдан бир қисмини ташкил қилади.
Буюк Британия Мудофаа вазирлиги разведкаси 5 декабрь куни Президент Путин томонидан имзоланган Россиянинг янги федерал бюджетини ўрганиб чиқди.
2023 йилда ҳарбийлар, махсус хизматлар ва полиция эҳтиёжлари учун 9 триллион рубль (143 миллиард доллар) ажратилади. Бу ўтган йилга нисбатан сезиларли ўсиш ва умумий бюджетнинг қарийб 30 фоизини ташкил этади.
Разведкачилар бюджетнинг харажат ва даромад қисмларини ҳаддан ташқари оптимистик деб ҳисоблайдилар. Улар Украина кампаниясини давом эттириш учун маблағ йиғиш мақсадида бюджетнинг ҳарбий бўлмаган қисмларига босим сезиларли даражада ошиши мумкинлигини тахмин қилишмоқда.