Россияда "Авента-М" ИВЛ аппаратларидан фойдаланиш тўхтатилди

Россияда

Россияда "Авента-М" сунъий шамоллатиш мосламаларидан фойдаланиш тўхтатилди. Ушбу мосламалар ёнғин содир бўлган Москва ва Санкт-Петербургдаги касалхоналарга ўрнатилган эди.

12 май куни шамоллатиш мосламаларидан фойдаланишни тўхтатиш тўғрисидаги буйруқ Росздравнадзор раҳбари Алла Самойлова томонидан имзоланди.

Буйруқда қайд этилишича, қурилмалар апрел ойининг бошларида Урал машинасозлик заводида ишлаб чиқарилган, уларнинг амал қилиш муддати чекланмаган.

9 май куни Москвадаги Спасокукотский касалхонасида ёнғин содир бўлди, ҳеч ким жабрланмади. Ёнғиннинг сабаби сифатида қисқа туташув кўрсатилган.

12 май куни Санкт-Петербургдаги авлиё Георгия касалхонасида ҳам ёнғин содир бўлди. Натижада беш киши ҳалок бўлди. Ёнғин ИВЛ аппарат ёниши натижасида юзага келган.