Коронавирус пандемияси шароитида Россия Федерациясида қийин вазиятда қолган меҳнат мигрантларига ёрдам бериш мақсадида янги хайрия лойиҳаси иш бошлади.
Ташқи меҳнат миграцияси агентлигининг Россия Федерациясидаги ваколатхонаси россиялик ишбилармон ва хайриячилар Давид Якобашвили ва Ян Яновскийлар билан ҳамкорликда #ПомощьЕСТЬ! хештеги остида мигрантларга иссиқ озиқ тарқатмоқда.
Ташқи меҳнат миграцияси агентлиги матбуот котиби Ортиқхўжа Норовнинг хабар беришича, лойиҳа иштирокчилари МДҲ мамлакатларидан ишсиз қолган мигрантларнинг оилалари жойлашган бир нечта пунктларга ҳар куни тайёр овқатларни етказиб бермоқда.
Биз кунига 250 киши учун таом тарқатишдан бошлаймиз, кейин 500 киши, эҳтимол минг кишига етади. Ҳамкасбларимиз буюртма тайёрлайди ва биз логистика ва молиявий масалаларни ташкил қилишга ҳаракат қиламиз. Агар биз кўплаб оилаларга ёрдам бера олсак, бу биз учун бахт, – дейди Давид Якобашвили.