Россиянинг Тула вилоятида 35 ёшли Ўзбекистон фуқароси омборхонадан 1 миллион рубл (149 миллион сўм)га яқин сигаретни ўғирлашда айбланмоқда. Бу ҳақда вилоят прокуратураси маълумотларига таяниб, "АИФ" газетаси хабар қилмоқда.
Қоидабузар бошқа бировнинг катта ҳажмли мол-мулкни ўғирлашда айбдор деб топилди. У Иншинский қишлоғи яқинидаги омбордан ҳар хил маркадаги умумий қиймати 800 минг рублдан қимматроқ бўлган тамаки маҳсулотларини ўғирлаган.
Суд ўзбекистонлик қонунбузарни айбдор деб топди ва 3 йилга озодликдан маҳрум қилди. Жазо умумий тартибли колонияда ўталади.