1xBet компаниясини Онлайн ўйин қурбонларини ҳимоя қилиш жамғармаси судга берган, у Россия букмекерлик концерни алданган камида 18 нафар ўйинчига тахминан 1 миллион евро миқдоридаги ютуқларини тўламаганини айтган.

Ўйинчиларга ютуқ пулларини тўланмаганлиги учун Нидерландия Олий суди Россиянинг машҳур 1xBet букмекерлик компаниясини банкрот деб эълон қилди. Бу ҳақда Curaçao Chronicle портали суд қарорига таяниб хабар берди.

1xBet компаниясини Онлайн ўйин қурбонларини ҳимоя қилиш жамғармаси судга берган, у Россия букмекерлик концерни алданган камида 18 нафар ўйинчига тахминан 1 миллион евро миқдоридаги ютуқларини тўламаганини айтди. Шунингдек, солиқ идоралари 1xBet`га нисбатан 1 миллион евродан кўпроқ пул талаб қилишди.

Сиртдан 1xBet Голландиянинг биринчи инстанция суди томонидан 2021 йилда банкрот деб топилган, бироқ руслар бу қарор устидан апелляция берган. Охир-оқибат, иш Гаагадаги Нидерландия Олий судига этиб борди ва у биринчи инстанциянинг онлайн спортга тикиш компаниясининг банкротлиги ҳақидаги қарорини ўзгаришсиз қолдирди.