Россиянинг "Спорт-Экспресс" нашри мамлакатнинг энг яхши футболчисини аниқлаш бўйича сўровнома ўтказмоқда. Унда мухлислар учун овоз бериш бошланган.
Йилнинг энг яхши футболчиси номи қуйидагиларнинг фикрлари асосида аниқланади:
— 16 нафар машҳур мураббийлар
— Россия футболининг 16 нафар топ-менежерлари
— 16 нафар "Спорт-Экспресс" журналистлари
— сайт орқали овоз берган мухлислар.
4 йилдан бери ўтказилаётган бу танловда 2016 йили — Федор Смолов, 2017 йили — Квинси Промес, 2018 йили — Артем Дзюба ғолиб бўлган.
"Спорт-Экспресс" нашри "Йилнинг энг яхши футболчиси" номинацияси учун 25 нафар номзодни танлаб, овозга қўйди.
Ҳамюртимиз, "Ростов" клуби ҳужумчиси Элдор Шомуродов ҳозирча сўровномада 17,8% овоз билан етакчилик қилмоқда. Александр Головинда ҳам шунча овоз бор. Артем Дзюба эса 15,1% овозга эгалик қилмоқда.
Овоз бериш давом этмоқда. Ҳамюртимизни қўллаб-қувватланг. Ушбу саҳифага кириб, Элдор Шомуродов учун овоз беринг!