Россиянинг дўст бўлмаган давлатларга газ етказиб беришни рублда амалга оширишга ўтиши – санкцияларга қарши пухта ўйланган жавоб ҳисобланади.
Германиялик депутат Гуннар Бек “Известия”га шундай фикрни айтди.
“Германия, жумладан, 45-65 фоизга Россия газига боғлиқ. Россия ҳукумати шу тариқа валютага оид йўқотишларини қисқартиради ва рубль қайсидир даражада мустаҳкамланади”, деб таъкидлади германиялик депутат.
Айни пайтда Австрия амалдаги битимга кўра газни еврода олишини маълум қилган. Япония молия вазири Сюнъити Судзуки, ўз навбатида, ҳукумат учун Россиянинг бу қарори амалиёти қандай бўлиши ҳозирча номаълумлиги ва Токио вазиятни таҳлил қилишини айтган.