Россияда ОТМ битирувчилари учун энг яхши иш берувчи Яндекс бўлмоқда. 23% битирувчилар Россия компаниясида ишлашни хоҳлаяпти деб хабар қилади The Bell нашри.

Сўровнома Россиянинг этакчи 39 университетларининг 23 минг нафар битирувчилари орасида ўтказилган.

Энг яхши иш берувчилар сафида Яндекс, Google'дан (22,6 %) ташқари, Apple (15,7 %), Газпром (14,5 %) ҳамда Сбербанк (8,1 %) кўрсатилган. Дастлабки ўнликда BMW, Газпром нефть, Mail.Ru Group, Ромнефть ҳамда Coca-Cola'лар бор.

Битирувчиларнинг аксарияти Сбербанк раҳбари Герман Греф, Яндекс асосчиси Аркадий Волож ҳамда Тинькофф банк муассиси Олег Тиньковни энг яхши раҳбарлар сифатида кўришади.

Энг яхши иш берувчилар ўнлигидаги аксарият компаниялар Россияники бўлишига қарамай, талабаларнинг атиги 20 фоизи мамлакатни тарк этишни истамайди. 19 фоиз талабалар мамлакатдан кетишни хоҳлашади, яна 15 фоизи бир неча йилга кетишни истайди. Шунигдек, 46 фоиз талабалар таклифга қараб кўчишга тайёр.    

Мавзуга доир: Мишустиннинг биргина сўзидан кейин Яндекс акциялари тарихий максимумдан ошиб кетди