Рус миллиардери Венерадаги ҳаётни қидиришни молиялаштиради

Рус миллиардери Венерадаги ҳаётни қидиришни молиялаштиради

Россиялик миллиардер Юрий Милнернинг "Breakthrough Initiatives" инвестиция фонди Венерада ҳаёт изларини қидиришни молиялаштиради. Бир кун олдин у ерда газ топилди, бу тирик организмлар мавжудлигининг белгиси бўлиши мумкин. "Роскосмос" раҳбари Дмитрий Рогозин эрталаб худди шу янгилик билан боғлиқ равишда Венерани "жонли жаҳаннам" деб атади.

Милнернинг "Breakthrough Initiatives" жамғармаси коинотдаги ҳаётни илмий-техник тадқиқотлар, хусусан, Ердаги ақлли ҳаётнинг ўзига хослиги ва Сомон Йўлидаги оламларнинг яшашга яроқлилиги ҳақидаги масалалар шуғулланади. Шунинг учун ҳам жамғарма Қуёшдан Ерга энг яқин сайёра - Венерада потенциал биосигнацияни (ўтмишдаги ёки ҳозирги ҳаёт фаолияти натижаларининг намоён бўлиши) излашни қўшимча равишда молиялаштиради.

Жамғарма Массачусетс технологиялар институтининг сайёра фанлари, физика ва аерокосмик муҳандислиги профессори доктор Сара Сигер бошчилигидаги жаҳон миқёсидаги физиклар, астрономлар, астробиологлар, кимёгарлар ва муҳандислардан иборат тадқиқот гуруҳини молиялаштиради. Гуруҳ Венерадаги ҳаётнинг илмий асосларини ўрганади ва агар бундай далиллар аниқ исботланса, қидирув миссиясининг техник муаммоларини таҳлил қилади. Милнер бу вазифани "тамаддунимизнинг долзарб вазифаси" деб атади.

Аввалроқ Буюк Британиянинг Кардифф университети ва АҚШнинг Массачусетс университети астрономлари гуруҳи сайёрамиздаги ҳаётнинг аломати деб ҳисобланиши мумкин бўлган заҳарли газ - фосфинни Венера атмосферасида аниқлангани бўйича тадқиқотни эълон қилишди. Ерда фосфин антропоген фаолликнинг натижасидир, шунингдек баъзи анаэроб организмлар - бактериялар, замбуруғлар, сув ўтлари, қуртлар томонидан ишлаб чиқарилади. Газнинг бошқа манбаларига метеоритлар, чақмоқ ва вулқон отилиши киради.