Самарқанд шаҳрида Ўзбекистон маданий меросини ўрганиш, асраш ва оммалаштириш бўйича Бутунжаҳон жамияти томонидан VI Халқаро конгресс бўлиб ўтмоқда.
Ўзбек маданий меросини асраш ва оммалаштиришга бел боғлаган Жамият бу йилги конгрессда “Ўзбекистон маданий мероси жаҳон тўпламларида” (51-60 жилд) туркумидаги 10 та янги китоб-альбомлари ва Ўзбекистон санъатига оид иккита ноёб китоб тақдимоти, Мирзо Улуғбек буюртмаси билан яратилган ноёб қўлёзма факсимили намойишини ташкил этди.
30дан ортиқ давлатдан келган 300га яқин олим иштирокида ўтаётган конгресс хорижликларда ўзбек маданияти ва тарихига нисбатан янада қизиқиш уйғотди. Конгресс фаолиятини шахсан ўзим ҳам қўллаб-қувватлайман. Ўзбекистон маданий меросини бутунжаҳонга танитиш аввало мамлакатнинг туристик салоҳиятига ижобий таъсир кўрсатади.
Конгресс 24 июлгача давом этади. Бош ҳомий-ташкилотчи "Eriell Group" компанияси.