Самарқандда карантинга олинган мингдан ортиқ фуқаролар уйига кузатилди (фото)
10.04.2020 11:13,
332
Кеча, 8 апрел куни Самарқанд шаҳридаги яна бир карантинга олинган объектдан Қозоғистондан келган 1057 та ўзбекистонлик ўз уйларига кузатилди.
Марказий ҳарбий округ матбуот хизматининг маълум қилишича, 14 кун давомида уларда коронавирус билан боғлиқ бўлган ҳеч қандай хасталик аломатлари аниқланмаган.
Хабар берилишича, бугун кечки рейс билан Навоий, Хоразм ҳамда Нукус йўналиши бўйича қолган 105 нафар фуқаро ҳам ўз уйларига кузатилади. Самарқанд темир йўл вокзалидан улар махсус поезд билан мамлакатимизнинг турли вилоятларига етиб борадилар.
Карантин ўташ даврида уларнинг хавфсизлигини таъминлашда Марказий ҳарбий округ бўлинмалари ҳамда Қуролли Кучлар Кичик мутахассисларни тайёрлаш маркази ҳарбий хизматчилари жалб қилинган эди.
