Россиянинг Санкт-Петербург шаҳридан Наманган шаҳрига учган самолёт бортидаги Ўзбекистон фуқаросининг аҳволи оғирлашгани сабаб Самарадаги Курумоч халқаро аэропортига қўнишга мажбур бўлди. Бу ҳақида РИА Новости хабар бермоқда.
«Мажбурий қўнишга бортдаги гипертония билан оғриган 1988 йилда туғилган Ўзбекистон фуқаросининг соғлиғи билан юзага келган муаммо сабаб бўлди», деди агентлик суҳбатдоши.
Бемор аёл зудлик билан шаҳар касалхоналаридан бирига олиб борилган. U6 2509 рейсидаги Airbus А320 Самарага Тошкент вақти билан 10:15 да қўнган.