«Сардоба» офати оқибатида қишлоқ хўжалигига қандай зарар етди ва қандай тезкор чоралар кўрилди?

АОКА ҳузуридаги штабда ўтказилган брифингда Қишлоқ хўжалиги вазирлиги матбуот котиби Нигора Хожаева бу тўғрисида батафсил маълумот берди:

Талафотни бартараф этиш бўйича 3 та ишчи гуруҳ тузилди. Зарар кўрган майдонларни тиклаш учун 421 та техника, 200 та кўчма насос, 940 нафар ишчи кучи жалб этилди;

«Марказий тармоқ»да 3,8 километр — 3 та туманда 9,5 км хўжаликлараро каналлар тўлиқ тикланди;

3 260 гектар чигит, 9 027 гектар дуккакли, 1 570 гектар сабзавот-полиз экинлари қайта экилди;

1 656 га майдоннинг мелиоратив ҳолати яхшиланди;

барча туманларда қўшимча 4 253 гектар майдонга чигит экилди;

талафот кўрган ғўза майдонларининг 2 054 гектар (21%), ғалла майдонларининг 2 026 гектарида бузилмасдан агротехник тадбирлар амалга оширилмоқда;

вилоятга 864 тонна ўғит ва 3,2 минг тонна фосфорли ўғит етказиб берилди.