АОКА ҳузуридаги штабда ўтказилган брифингда Фавқулодда вазиятлар вазирлиги матбуот котиби Мурод Содиқов қуйидагиларни маълум қилди:
Таъмирлаш ишларига 14 000 дан зиёд ишчи ва 800 та техника жалб қилинган;
Оқолтин, Сардоба ва Мирзаобод туманларида 252 та қайта таъмирланаётган аҳоли яшаш хонадонида ёнғин хавфсизлиги қоидалари ўрганиш ишлари олиб борилди. Натижада аниқланган 380 та камчиликдан 282 таси жойида бартараф этилди;
1205 қисқа рақами орқали 8 171 та мурожаат келиб тушди. Шундан 8 148 таси ижобий ҳал этилди, қолган 23 та мурожаат тегишлилигига кўра ташкилотларга юборилиб, ижроси назоратга олинган;
Талофат кўрган ҳудудларда ҳамда вилоят бўйича 218 та тураржойда 49 550 кв. м. майдонда дезинфекция тадбири ўтказилди;
зарар кўрган масжид ҳамда қабристонларда таъмирлаш ва тиклаш ишлари тўлиқ якунланди;
халқаро ва давлат аҳамиятидаги йўлларнинг 35 километри ҳамда 32 та кўприк қайта тикланди.