Ҳозирги кунга қадар Сардоба сув тошқинидан зарарланган 80 га томорқа майдонларга экин экилди. Бу ҳақда ФВВ хабар бермоқда.
"Етилган экиш имконияти мавжуд бўлган майдонларга Сурхондарё вилоятидан олиб келинган 1 млн. дона сабзавот кўчатларини экиш ишлари бошланди", - дейилади хабарда.
Тошқин оқибатларини бартараф этиш учун 281 та махсус техника жалб этилиб, 83 та кўчма дизел насос агрегати олиб келинди.
Шунингдек, кириш имконияти юзага келган, суғоришда фойдаланиладиган 3 та насос станцияси ва 1 та тик қудуқда сув чиқариш, тозалаш ва камчиликларини аниқлаш ишлари олиб борилмоқда.
Оқолтин, Мирзаобод ва Сардоба туманларидаги ирригация ва мелиорация объектларини таъмирлаш-тиклаш учун 19,1 млрд. сўм зарур бўлиб, шу кунга қадар 1,3 млрд. сўм пул маблағлари молиялаштирилди.