Саудия Арабистони 1 июлдан қўшилган қиймат солиғини 5 фоиздан 15 фоизга оширмоқда

Саудия Арабистони 1 июлдан қўшилган қиймат солиғини 5 фоиздан 15 фоизга оширмоқда

Муҳаммад ал-Жадан - Саудия Арабистони Молия вазири. Фото: REUTERS

Саудия Арабистони Подшоҳлиги 2020 йилнинг 1 июль кунидан эътиборан қўшилган қиймат солиғи (ҚҚС) ставкасини амалдаги 5 фоиздан 15 фоизга кўтармоқда. Бу ҳақда Ўзбекистон Республикаси “Ҳаж” ва “Умра” тадбирларини ташкил этиш ва ўтказиш масалалари бўйича жамоатчилик кенгаши Al-Arabiyyah нашрига таяниб хабар бермоқда.

Коронавирус инфекциясининг қисқа муддат ичида глобал миқёсда тарқалиши ҳамда нефть нархининг кескин пасайиши Саудия Арабистони иқтисодиётига ҳам жиддий таъсир кўрсатган. Хусусан, 2020 йилда давлат бюджетининг камомади 50 миллиард АҚШ долларига тенг бўлиши кутилмоқда.

Шу муносабат билан, солиқ ва бюджет сиёсати тежамкорлигини таъминлаш юзасидан қўшимча чора-тадбирлар ишлаб чиқилган. Унга кўра, 2020 йилнинг 1 июль кунидан бошлаб қўшилган қиймат солиғи (ҚҚС) ставкаси амалдаги 5 фоиздан 15 фоизга кўтарилган.

Таъкидлаш жоизки, ҚҚСни 15 фоизга кўтариш натижасида хизмат кўрсатиш (меҳмонхона, транспорт, озиқ-овқат ва бошқа) соҳаларда нархнинг ўсишига олиб келиши кутилмоқда, дейилади хабарда.